GOVPH

TINGNAN: Mga Last Mile Schools sa Buenavista, Quezon Province, binisita ni Teacher Che ng DepEd IV-A CALABARZON kasama ang pamunuan ng SDO Quezon

 Tinungo ni Assistant Regional Director Cherrylou D. Repia ang malalayong paaralan sa bayan ng Buenavista, Sangay ng Quezon, alinsunod sa pagsisiguro ng maayos at handang pagbubukas ng taong panuruan 2022-2023, Agosto 24. Kasama ni Teacher Che sina OIC-SDS Elias Alicaya Jr., punong-bayan Reynaldo Rosilla Jr., PSDS Isidro delos Reyes, at iba pang kawani ng SDO Quezon. Sakay ng habal-habal ay tinahak ng grupo ang malayo't matarik na daan patungo sa Dela Paz Elementary School, San Pedro Elementary School at San Pedro National High School.